Երբ իշխողները խելագարվում են ատելությունից կամ օտար ուժերի խամաճիկը դառնում, պատերազմում են նույնիսկ իրենց ժողովրդի դեմ
15-06-2017 20:08:09 | ԱՄՆ | Քաղաքական
Սաուդյան Արաբիայի զինյալներն երկրի Ալ-ավամիա քաղաքի և Ալ-Մսուրա պատմական գյուղի վրա հարձակումներն ավելի են սաստկացրել, ինչի հետևանքով միայն վերջին 2 օրում սպանվել է առնվազն է 30 մարդ, բազմաթիվ ուրիշներ վիրավորվել են:
Ավելին. նրանք բռնի կերպով գաղթեցրել են Ալ-Ավամիայի բնակիչներին: Մզկիթները, հիվանդանոցները, դպրոցները, ու բնակարանները թիրախ դարձնելուց բացի, Սաուդյան Արաբիայի զինյալները ցանկանում են բուլդոզերներով հողին հավասարեցնել այդ շրջանները: Սաուդյան Արաբիայի ոստիկանությունն արգելել է Ալ-Ավամիայում իրականացվող աղբահանությունը: Մեկ ամսից ավելի է, ինչ Սաուդյան Արաբիայի շիաբնակ Ալ-Ավամիա քաղաքը պաշարվել է սաուդցի զորայինների կողմից:
Սաուդյան Արաբիայի զինյալների հարձակման առիթը, ըստ «Ռեսա» լրատվական գործակալության հաղորդման, եղել է այն, որ Ալ-Ավամիա քաղաքի բնակիչները սկսել են կամավորաբար մաքրել քաղաքը: Անհեթեթ է. քիչ թե շատ նորմալ ցանկացած երկրում այս կամ այն քաղաքի բնակիչների կողմից իրենց քաղաքի կամավոր, անվճար մաքրումը դրվատանքի, գովեստի կարժանանար, եթե չասենք շնորհակալության, խրախուսանքի և աջակցության: Սակայն, Սաուդյան Արաբիայի ռազմաքաղաքական ղեկավարությունն Ալ-Ավամիա քաղաքի բնակիչների նույնիսկ վերոնշյալ նախաձեռնությունն է իր համար առիթ դարձրել նրանց վրա հարձակվելու, սպանելու և վնասելու համար: Ինչո՞ւ…
Պատճառը շատ պարզ է. Ալ-Ավամիայի բնակիչները իսլամի շիա ուղղությանը դավանողներ` շիա մահմեդականներ են, իսկ Սաուդյան Արաբիայի ռազմաքաղաքական ղեկավարությունը բաղկացած լինելով սունի մահմեդականներից, հիմնականում շիաբնակ Իրանի հետ հարաբերությունների սրման համապատկերին տրվել է կրոնական անհանդուրժողականությանը, ատելությանն ու ծայրահեղականությանը: Իր վերոնշյալ գործողություններով այն, ըստ էության, չի տարբերվում ԻԼԻՊ-ի ահաբեկիչներից: Բացառված չէ, որ Սաուդյան Արաբիան լինելով Իսրայելին և ԱՄՆ-ին խամաճիկ պետություն և ղեկավարվելով այնտեղից եկող ազդակներով, փորձում է այս կերպ սադրել Իրանին:
Ավելի քան մեկ ամիս է ինչ Սաուդյան Արաբիայի շիաբնակ Ալ-Ավամիա քաղաքը պաշարվել է սաուդցի զորայինների կողմից:
ՀԱՅԵՐԵՆ
Русский
English
Դաս. հայերեն
French
