Կայացել է «Տարվա լավագույն մարզիկներ» մրցույթի կազմակերպման և անցկացման կանոնակարգի» նախագծի հանրային քննարկումների շարքի երկրորդ հանդիպումը
20-06-2017 19:01:56 | Հայաստան | Սպորտ
Այսօր ՀՀ սպորտի և երիտասարդության հարցերի նախարարության նիստերի դահլիճում կայացավ «Տարվա լավագույն մարզիկներ» մրցույթի կազմակերպման և անցկացման կանոնակարգի» նախագծի հանրային քննարկումների շարքի երկրորդ հանդիպումը՝ 2017 թ. հունիսի 7-ին տեղի ունեցած առաջին հանդիպման արդյունքում ստացված սկզբունքային առաջարկությունների ներառմամբ լրամշակված նախագծի տարբերակը կրկին հանրության դատին ներկայացնելու համար:
Նախագծի մշակման հանձնաժողովի նախագահ՝ ՀՀ սպորտի և երիտասարդության հարցերի նախարարի տեղակալ Արսեն Քարամյանը տեղեկացրեց, որ լրամշակված նախագիծն ուղարկվել է շահագրգիռ կազմակերպություններին, որոնցից ստացվել են դրական արձագանքներ:
Քննարկման մասնակիցները շնորհակալություն հայտնեցին հանձնաժողովին՝ իրենց առաջարկություններն ու դիտարկումները հաշվի առնելու համար և գոհունակությամբ նշեցին, որ նախագծի լրամշակված տարբերակը հնարավորություն կտա մարզասերներին, ոլորտի մասնագետներին և փորձագետներին ըստ արժանվույն գնահատել և մեծարել և՛ Հայաստանի Հանրապետության, և՛ հայազգի լավագույն մարզիկներին:
Նախագծի հանրային քննարկումները՝ շահագրգիռ կազմակերպությունների և անհատների ներգրավմամբ, կշարունակվեն դեռևս առաջիկա երեք շաբաթների ընթացքում:
ՀԱՅԵՐԵՆ
Русский
English
Դաս. հայերեն
French
