Դավիթ Տոնոյանն ընդունել է Համաշխարհային բանկի պատվիրակությանը. բարձրացվում է պետության աղետակայունության մակարդակը
21-06-2017 12:26:15 | Հայաստան | Մամլո հաղորդագրություն
ՀՀ ԱԻ նախարար Դավիթ Տոնոյանն ընդունեց Համաշխարհային բանկի պատվիրակությանը Աղետների ռիսկի կառավարման ավագ մասնագետ և առաջադրանքի թիմի ղեկավար Տաֆաձվա Դյուբի գլխավորությամբ:
Հանդիպման ընթացքում քննարկվեցին ԱԻ նախարարուոթյան հետ համագործակցության շրջանակը «Աղետների ռիսկի կառավարման ազգային ծրագրի» (ԱՌԿԱԾ) և «Առավել անվտանգ դպրոցներ» ծրագրերի իրականացման գործընթացում:
Ծրագրով նախատեսվում է աղետների ռիսկի նվազեցման և երկրի դիմակայունության մակարդակի բարձրացման նպատակով աջակցել Հայաստանում սեյսմիկ ռիսկի քարտեզի կազմման և սեյսմիկ վտանգների գնահատման միջոցով, խորհրդատվություն և ինժեներների վերապատրաստում հայաստանում առկա դպրոցների սեյսմիկ ամրացման և նոր դպրոցների շենքերի արդի չափանիշներով նախագծման հարցում:
Ծրագրով նախատեսվում է նաև արդիականացնել ՀՀ ԱԻՆ «Հիդրոօդերևութաբանության և մթնոլորտային երևույթների վրա ակտիվ ներգործության» ծառայությունը, զարգացնել վերջինիս կարողությունները ծառայությունների մատուցման և վաղ ազդարարման ոլորտում:
Աղետների ռիսիկի նվազեցմանը միտված ծրագրի շրջանակներում քննարկվեցին բնական և մարդածին աղետներից բնակչության պաշտպանվածության, պատրաստվածության և դիմակայունության խնդիրները, ինչպես նաև՝ պետության՝ աղետին դիմակայելու և աղետից հետո արագ վերականգնվելու հնարավորություններն ու մեխանիզմները:
ՀԱՅԵՐԵՆ
Русский
English
Դաս. հայերեն
French
