Մարզային բանկից հափշտակել են ավելի քան 40 մլն դրամ
23-06-2017 14:35:35 | Վայոց ձորի մարզ | Ի՞նչ է գրում մամուլը
Վայոց Ձորի մարզի Եղեգնաձորում գործող «ՎՏԲ-Հայաստան բանկ»-ի մասնաճյուղի բանկոմատներից հափշտակվել է խոշոր չափերի հասնող գումար: Tert.am-ի տեղեկություններով գումարի չափը գերազանցում է 40 մլն դրամը:
Ոստիկանության լրատվական ծառայությունից Tert.am-ի հետ զրույցում հայտնեցին, որ ոստիկանությունը բանկերից մեկից գրություն ստացել է գումարի պակասորդի մասին.«Հունիսի 22-ին Եղեգնաձորի բանկերից մեկից գրություն է ստացվել այն մասին, որ մասնաճյուղի երկու բանկոմատների ստուգման արդյունքում հայտնաբերվել է գումարի պակասորդ»:
Ոստիկանությունից հայտնեցին, որ նշված դեպքով հետաքննություն է կատարվում:
ՀԱՅԵՐԵՆ
Русский
English
Դաս. հայերեն
French
