«Creative Armenia-ն մշակութային կազմակերպություն է թվային դարաշրջանի համար. մենք իրականացնելու ենք մշակութային կազմակերպության բոլոր գործառույթները, բայց երևի ավելի ժամանակակից հանդիսատեսի համար ժամանակակից մեթոդներով»,- նշեց կազմակերպության հիմնադիր Կարին Հովհաննիսյանը:

Նրա փոխանցմամբ` Creative Armenia-ի մեկնարկային ծրագիրը ստեղծարար մարտահրավերների շարքն է, որի առաջին վիդեո մարտահրավերը նետվել է օսկարակիր ռեժիսոր Թերրի Ջորջի կողմից: Այն շատ պարզ է. պետք է երիտասարդ ռեժիսորները նկարահանեն մարդու իրավունքների մասին պատմող ֆիլմ 60 վայրկյանում` առանց երկխոսությունների: Հաղթողը ստանալու է 5000 ԱՄՆ դոլար, իսկ մրցանակակրին որոշելու է պրոֆեսիոնալ ժյուրին: