Մահացել է «Մայրիկ» ֆիլմում Աննայի դերակատար Իզաբել Սադոյանը
10-07-2017 17:49:27 | Ֆրանսիա | Ի՞նչ է գրում մամուլը
Մահացել է դերասանուհի Իզաբել Սադոյանը, ով հայ հանդիսատեսին հայտնի է Անրի Վերնոյի «Մայրիկ» ֆիլմում Աննայի դերով: Նա մահացել է 89 տարեկանում, հայտնում է Nouvelle d'Armenie-ն:
Դերասանուհին Հայոց ցեղասպանությունը վերապրածների դուստր էր, դերասան Ժան Բուիզի կինը: Իզաբել Սադոյանն իր կարիերան սկսել է որպես հագուստի դիզայներ՝ Լիոնում դրամատուրգիայի արվեստի դասեր անցնելուց հետո:
Իզաբել Սադոյանը խաղացել է ավելի քան 50 ֆիլմում, 25 բեմադրությունում: Նա ավելի քան տասնյակ դերեր է խաղացել հեռուստատեսությունում: Վերջին անգամ դերասանուհին բեմ էր բարձրացել 2016 թվականի դեկտեմբերին Փարիզի Théâtre de l'Oeuvre–ում՝ «Թռիչքից առաջ» ներկայացման համար:
ՀԱՅԵՐԵՆ
Русский
English
Դաս. հայերեն
French
