Նախարարը ԱԶԲ ներկայացուցիչների հետ քննարկել է ընթացիկ նախագծերին վերաբերող խնդիրները
11-07-2017 20:17:16 | Հայաստան | Տնտեսություն
ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանն ընդունեց Ասիական զարգացման բանկի (ԱԶԲ) ներկայացուցիչներին` ծրագրերի ղեկավար Թոմաս Հերցի գլխավորությամբ:
Ողջունելով հյուրերին` նախարարը գոհունակություն հայտնեց համատեղ աշխատանքի համար:
Կողմերը քննարկեցին բանկի հետ համագործակցությամբ իրականացվող ճանապարհաշինական ծրագրերը, որոնցից են՝ (Մ-6) Վանաձոր - Ալավերդի - Վրաստանի սահման միջպետական մայրուղու հիմնանորոգումը և «Հյուսիս - հարավ
ճանապարհային միջանցքի ներդրումային» ծրագիրը։
Հանդիպման ընթացքում անդրադարձ եղավ ընթացիկ նախագծերին առնչվող խնդիրներին ու մարտահրավերներին, քննարկվեցին դրանց լուծման տարբերակները, որակի և ժամկետների խիստ պահպանման հարցը:
Նախարարն առաջարկեց շինարարական աշխատանքներին վերաբերող օրակարգային հարցերին լուծումներ գտնել համատեղ այցելություններով ու գործնական քննարկումներով:
Թոմաս Հերցը ևս երկկողմ համագործակցության պատրաստակամություն հայտնեց `նշելով, որ իրենք ևս շահագրգիռ են աջակցելու նախագծերի իրականացման և վերահսկման գործում:
ՀԱՅԵՐԵՆ
Русский
English
Դաս. հայերեն
French
