Պարանավարկելու ընթացքում պարաշյուտից պոկված զբոսաշրջիկը ցած է ընկել և մահացել (տեսանյութ)
13-07-2017 18:33:39 | Ավստրալիա | Հասարակություն
Ավստրալացի զբոսաշրջիկը թաիլանդական Պհուկետ կղզիներում հանգստանալիս պարանավարկելու ընթացքում պոկվել է պարաշյուտից և ցած ընկել:
korrespondent-ի փոխանցմամբ` զբոսաշրջիկն ընկել է 30 մետր բարձրությունից, ինչը մահացու է եղել նրա համար:
Նշվում է, որ 70-ամյա գործարարը Պհուկետ գնացել էր հանգստանալու կնոջ ուղեկցությամբ: Վերջինս էլ հեռախոսով նկարահանել է ամուսնու թռիչքը և վայր ընկնելու պահը:
Տղամարդը թռիչքն իրականացրել է հրահանգիչ Հասսի հետ, սակայն դեռևս անհայտ պատճառներով նա պոկվել է պարաշյուտից և հիվանդանոց տեղափոխելու ճանապարհին մահացել:
Իրավապահ մարմինները հետաքննություն են սկսել զբոսաշրջիկի մահվան հանգամանքները պարզելու համար: Ներկա պահին ձերբակալված է մոտոռանավակը կառավարող տղամարդը և հրահանգիչը: Նրանց մեղադրանք է առաջադրվել անփութության համար, ինչը դարձել է մարդու մահվան պատճառ:
ՀԱՅԵՐԵՆ
Русский
English
Դաս. հայերեն
French
