Էներգետիկ անվտանգության ապահովում. ո՞րն է համայնքների դերը
17-07-2017 13:44:27 | Հայաստան | Մամլո հաղորդագրություն
ՀԱՀ Յակոբեան բնապահպանական կենտրոնը և Հարավային Կովկասում Հայնրիխ Բյոլ հիմնադրամի տարածաշրջանային գրասենյակը երկրորդ տարին անընդմեջ համատեղ կազմակերպում են «Կայուն էներգետիկայի ակադեմիա»:
Այս տարի Ակադեմիայի միջացառումները անցնելու են «Դեպի էներգիայի տեղական արտադրություն՝ ինչու և ինչպես» խորագրի ներքո և անդրադառնալու են հասանելի և մատչելի էներգետիկ լուծումներին, որոնք կնպաստեն ընտանիքների և համայնքների էներգետիկ անվտանգությանը:
Միջոցառումների օրակարգում են՝ վերականգնվող էներգիա և էներգաարդյունավետ լուծումների ցուցահանդեսներ և մեկօրյա ինտենսիվ դասընթացներ:
Ցուցահանդեսին կմասնակցեն հայաստանյան արտադրողներ, վաճառողներ և ներմուծողներ և կներկայացնեն հայաստանյան շուկայում առկա ջերմամեկուսիչ նյութեր, էներգախնայող լուսավորության և ջեռուցման համակարգեր, էներգախնայող դռներ ու պատուհաններ, վերականգնվող էներգիայի համակարգեր և այլ լուծումներ։ Ցուցահանդեսին նաև կներկայացվեն կայուն էներգետիկ լուծումների ֆինանսավորող կազմակերպություններ: Ցուցահանդեսի մուտքն ազատ է հանրության համար:
Անվճար դասընթացները նախատեսված են հետևյալ խմբերի համար՝
- մարզպետարանների և քաղաքապետարանների աշխատակիցներ և էներգետիկ ոլորտի մասնագետներ,
- շինանյութի ներկրողներ կամ վաճառողներ,
- ուսանողներ և երիտասարդ մասնագետներ (ճարտարագիտության, ճարտարապետության, շինարարության, քաղաքաշինության, ֆինանսների և ներդրումային կառավարման, բիզնես և հանրային կառավարման ու քաղաքագիտության ոլորտների) և այլ հետաքրքրված անձինք։
Միջոցառումները կանցկացվեն Հայաստանի հյուսիսային, կենտրոնական ու հարավային տարածաշրջաններում և նախատեսված են բոլոր տարածաշրջանային համայնքների համար.
հյուսիսաին համայնքների համար՝ Վանաձորում, հուլիսի 22-ին, 10:00-18:00
կենտրոնական համայնքների համար՝ Արարատում, հուլիսի 29-ին, 10:00-18:00 և
հարավային համայնքների համար՝ Կապանում, օգոստոսի 5-ին, 10:00-18:00:
Վանաձոր քաղաքի միջոցառումը նախատեսված է Արագածոտնի, Շիրակի, Գեղարքունիքի, Կոտայքի, Լոռու, Տավուշի մարզերի համայնքների համար:
Հայաստանի ամերիկյանի համալսարանի (ՀԱՀ) Յակոբեան բնապահպանական կենտրոնը աջակցում է բնական միջավայրի պաշտպանությանն ու վերականգնմանը հետազոտությունների, կրթության և համայնքների ներգրավման միջոցով։
Լրացուցիչ տեղեկությունների համար դիմել.
ՀԱՀ Յակոբեան բնապահպանական կենտրոնի բնապահպանական կրթության և հասարակայնության հետ կապերի համակարգող Լիտտա Մուրադյանին հետևյալ հեռախոսահամարներով` +374-60-612692, բջջ.` +374-91-271778
ՀԱՅԵՐԵՆ
Русский
English
Դաս. հայերեն
French
