Գորիսում 5-ամյա երեխան ընկել է իրենց տան պատուհանից
18-07-2017 18:48:01 | Սյունիքի մարզ | Ի՞նչ է գրում մամուլը
Գորիսում 5-ամյա երեխան ընկել է իրենց տան պատուհանից:
Ոստիկանության ԶԼՄ-ների հետ կապի բաժնի պետ Էդգար Ջանոյանն ասաց, որ ոստիկանությունը հուլիսի 15-ին՝ ժամը 16:15-ին « Գորիս» ԲԿ-ից հաղորդում ստացել է:
«Հաղորդում է ստացվել այն մասին, որ հիվանդանոց է տեղափոխվել Գորիս քաղաքի՝ 2012 թվականին ծնված տղա երեխա՝ մարմնական վնասվածքներով»,-ասաց Ջանոյանը:
Նա հայտնեց, որ պարզվել է, որ երեխան չորրորդ հարկում գտնվող իրենց տան պատուհանից վայր է ընկել՝ ստանալով մարմնական վնասվածքներ:
Tert.am-ի հետ զրույցում « Սուրբ Աստվածամայր» բժշկական կենտրոնի տնօրեն Նիկոլայ Դալլաքյանն ասաց, որ 5-ամյա երեխան «Գորիս» ԲԿ-ից տեղափոխվել է «Սուրբ Աստվածամայր» ԲԿ:
«Երեխայի վիճակը կայուն է, նա գանգուղեղային տրավմա է ստացել և երիկամների վնասվածք ունի»,-ասաց նա:
ՀԱՅԵՐԵՆ
Русский
English
Դաս. հայերեն
French
