Մոսկվան Վաշինգտոնն ընկալում է որպես վտանգի աղբյուր. ՌԴ ԱԳ նախարար
26-07-2017 16:01:15 | Հայաստան | Ի՞նչ է գրում մամուլը
Մոսկվան Վաշինգտոնն ընկալում է որպես վտանգի աղբյուր և որոշումներ է կայացնում՝ ելնելով այդ ընկալումից: Այդ մասին ТАСС-ին հայտարարել է Ռուսաստանի փոխարտգործնախարար Սերգեյ Ռյաբկովը: Այդկերպ նա մեկնաբանել է ԱՄՆ Կոնգրեսի Ներկայացուցիչների պալատում Ռուսաստանի, Իրանի և ԿԺԴՀ-ի նկատմամբ միակողմանի պատժամիջոցների խստացման մասին օրենքի նախագծի քվեարկությունը:
«Դա պետք է ընդունել և գործել՝ այդ ըմբռնմանը համահունչ՝ հավասարակշռված, խոհեմ և հանգիստ»,- ասել է նա:
Ռյաբկովը նաև նշել է, որ Վաշինգտոնի գործողությունը Մոսկվայի հետ հարաբերությունների կարգավորման հեռանկարի ոչնչացման ուղղությամբ քայլ է համարում: «Այդ ամենը չի տեղավորվում խելամտության սահմաններում»,- ասել է նա:
Հուլիսի 25-ին ԱՄՆ Կոնգրեսի Ներկայացուցիչների պալատը ձայների ճնշող մեծամասնությամբ քվեարկել է Ռուսաստանի, Իրանի և ԿԺԴՀ-ի նկատմամբ նոր պատժամիջոցների սահմանում նախատեսող օրենքի նախագծի օգտին: Փաստաթուղթը պետք է հավանության արժանացնի Սենատը, այնուհետև այն պետք է ստորագրի երկրի նախագահը:
ՀԱՅԵՐԵՆ
Русский
English
Դաս. հայերեն
French
