Հանրապետության ողջ տարածքից ընտրված ավագ դպրոցների շուրջ 150 աշակերտներն այս օրերին Ծաղկաձորում մասնակցում էին «Հայաստանի պատանեկան նվաճումներ» ամառային 25-րդ ճամբարին:
Համանուն կազմակերպության և Հայաստանում առաջատար բջջային օպերատոր համարվող ՎիվաՍել-ՄՏՍ-ի նախաձեռնությամբ անցկացված
«Բիզնես առաջադրանք» ամենամյա 4-րդ մրցույթի շրջանակներում ճամբարականներին առաջադրանք էր տրվել ուսումնասիրել ՎիվաՍել-ՄՏՍ-ի վեբ կայքը, «Վիվա» կանխավճարային և հետվճարային սակագնային պլանները` ներկայացնելով բաժանորդների համար առավել գրավիչ պայմաններ ու լուծումներ ենթադրող առաջարկություններ:
Ճամբարային 4 օրերի ընթացքում պատանիներին հնարավորություն էր ընձեռվել դպրոցում ստացած տնտեսագիտական և ձեռնարկատիրկական գիտելիքները կիրառել գործնական միջավայրում: Հաշվի առնելով բիզնես կառավարման մի շարք բաղադրիչներ, ինչպիսիք են գնային քաղաքականությունը, բիզնես շահույթը, կորպորատիվ սոցիալական պատասխանատվությունը և մրցակցությունը` պատանիները մշակել էին իրեց բիզնես առաջարկները, սակայն մրցութային եզրափակիչ փուլ ոչ բոլորին էր հաջողվել հասնել:
Արդյունքում համապատասխան առաջարկություններով հանդես եկած ճամբարային 10 ջոկատներից ընտրվել էին 3-ը: Մինչ կհայտարարվեր հաղթած ջոկատի համարը` ՎիվաՍել-ՄՏՍ-ի գլխավոր տնօրեն Ռալֆ Յիրիկյանը պատանիների հետ վարպետության դաս անցկացրեց հաջողակ բիզնես հիմնելու և այն զարգացնելու մասին: Նա նաև խոսեց իր անցած ուղու և Հայաստանում բջջային առաջատար օպերատորի հաջողության գաղտնիքների մասին:
Ռ. Յիրիկյանը պատանիներին հորդորեց լինել քաջ, ազնիվ, թափանցիկ և նպատակասլաց: Նրա խոսքերով` շնորհիվ նշյալ հատկանիշների` այսօր ՎիվաՍել-ՄՏՍ-ը և նրա անձնակազմը վայելում են ժողովրդի վստահությունը:
«Հայաստանի պատանեկան նվաճումներ» ամառային 25-րդ ճամբարի մասնակից 7-րդ ջոկատի ներկայացուցիչները ՎիվաՍել-ՄՏՍ-ի գլխավոր տնօրեն Ռալֆ Յիրիկյանին առաջարկեցին մի շարք փոփոխություններ մտցնել «Վիվա 1500» սակագնային փաթեթում:
Հանրության շրջանում անցկացված սոց հարցումների արդյունքներից ելնելով` ճամբարականները, մասնավորապես, առաջարկեցին «Վիվա 1500» սակագնային փաթեթով մատուցվող, սակայն մեկ ամսվա ընթացքում ամբողջությամբ չսպառվող ներցանցային րոպեները, սմս-ները կամ ինտերնետը սիմիվոլիկ գումարի դիմաց փոխանակել մեկ այլ ծառայությամբ` բաժանորդի հայեցողությամբ:
Լաուրա Ուլիխանյանի կարծիքով` իրենց թիմի հաղթանակը պայմանավորված էր նրանով, որ առաջարկում են ոչ թե նորամուծություն մտցնել սակագնային փաթեթում, այլ պարզապես որոշ շտկումներ անելով` այն դարձնել ավելի ճկուն:
Հաղթող ջոկատի ներկայացուցիչներին Ռալֆ Յիրիկյանը որպես նվեր հանձնեց սմարթֆոններ` միաժամանակ խոստանալով նոր փոփոխություններ «Վիվա-1500» սակագնային փաթեթում: