«Էթիկան հանրային ծառայությունում և քննական մտածողություն» խորագրով դասախոսություն ՀՀ ՊՆ վարչական համալիրում
04-08-2017 13:32:56 | Հայաստան | Մամլո հաղորդագրություն
Օգոստոսի 3-ին ՀՀ ՊՆ վարչական համալիրում ՊՆ կենտրոնական ապարատի ստորաբաժանումների և ռազմաուսումնական հաստատությունների ներկայացուցիչների համար կազմակերպվել է «Էթիկան հանրային ծառայությունում և քննական մտածողություն» խորագրով դասախոսություն:
Բանախոսը` ԱՄՆ Քոնեքթիքութ նահանգի Բրիդջպորտի ռազմական ակադեմիայի դասախոս Աննա Կրիկորյանը, ներկայացրել է քննական մտածողության և Էթիկայի գլխավոր սկզբունքներն ու հանրային ծառայությունում դրանց կիրառման մեխանիզմները, ինչպես նաև մանրամասն անդրադարձել է Էթիկայի փիլիսոփայական ակունքներին, կոլեկտիվներն առաջնորդելու շրջանակներում էթիկայի կարևորությանը և խնդիրների լուծման ընթացքում քննական մտածողության կիրառման հանգուցային նշանակությանը: