«Առանց Նաիրիտի Հայաստանը լրիվ կկործանվի». Նաիրիտցիների ակցիան (տեսանյութ)
07-08-2017 14:53:43 | Հայաստան | Ի՞նչ է գրում մամուլը
Նաիրիտցիները փոխել են ակցիայի օրը։
Գործադիր մարմնի նիստի օրվա փոխարեն նրանք այսօր էին հավաքվել կառավարության շենքի մոտ:
Ըստ տեղեկությունների՝ Նաիրիտի ներդրողներն այստեղ են, գիշերը ժամանել են Հայաստան։ Կարինե Շահվերդյանին հույս է ներշնչում այն, որ կառավարությունը չի մերժել եվրոպական հոլդինգի առաջարկը: Նաիրիտցիները համոզված են՝ գործարանը վերագործարկելու համար անհրաժեշտ է միայն իշխանության ցանկությունը։ «Իրենց ձեռք չի տալիս, իրենց ձեռք էր տալիս միայն ալան-թալան լիներ, եւ իրենք օգտվեին այդ բարիքներից, թող պետությունը վերցնի իր ձեռքը եւ աշխատացնի, եկամտաբեր գործարան է։ Այդ գործարանը հո միայն կաուչուկ չի արտադրում, ժավել, կիր, սոսինձ: Սոսինձը Մալաթիայի շուկայում Թուրքիայից են բերում, ինչի՞»։ «Առանց Նաիրիտի Հայաստանը լրիվ կկործանվի: Նաիրիտի հետ կաշխատեն բազմաթիվ գործարաններ, որովհետեւ մեր գործարանի արտադրանքը օգտագործվել է եւ գյուղատնտեսության եւ թեթեւ արդյունաբերության բոլոր բնագավառներում»։