Նորոգվում են մայրաքաղաքի հանրային օգտագործման գույքի վնասված հատվածները
08-08-2017 17:02:50 | Հայաստան | Մամլո հաղորդագրություն
Երևանի վարչական շրջաններում շարունակվում են փողոցներում, բակերում, հրապարակներում, այգիներում, պուրակներում և հանրային օգտագործման այլ տարածքներում տեղադրված գույքի վնասված հատվածների նորոգման և կարգաբերման աշխատանքները: Նախորդ շաբաթվա ընթացքում նորոգվել է 129 միավոր գույք՝ խաղասարքեր, զրուցարաններ, նստարաններ և այլն: Աշխատանքներն առավել ակտիվ են ընթանում Մալաթիա-Սեբաստիա, Շենգավիթ, Ավան և Դավթաշեն վարչական շրջաններում:
Հարկ է նշել, որ բակային մանկական խաղահրապարակների և խաղասարքերի շահագործման ակտիվ ժամանակահատվածով պայմանավորված՝ նորոգման աշխատանքները կրում են պարբերական բնույթ: Այդ գործընթացը գտնվում է քաղաքապետարանի համապատասխան կառույցների ամենօրյա հսկողության ներքո:
ՀԱՅԵՐԵՆ
Русский
English
Դաս. հայերեն
French
