Թելման Քալաշյանը կարող է հատել հայ-վրացական սահմանը. Սահմանապահներն հսկում են Դեբեդավան գյուղ տանող ավտոճանապարհը

10-08-2017 17:27:14 | Տավուշի մարզ | Ի՞նչ է գրում մամուլը

Տավուշի մարզի Նոյեմբերյանի տարածաշրջանի՝ Վրաստանին սահմանակից Դեբեդավան գյուղի բնակիչները հայտնեցին, որ հայ-վրացական սահմանը հսկող սահմանապահները երեկոյան ժամերին հերթապահում են Բագրատաշենի մաքսակետից դեպի Դեբեդավան տանող ավտոճանապարհին, կանգնեցնում եւ ստուգում են ավտոմեքենաների ուղեւորների անձնագրերը, ավտոմեքենաների բեռնախցերը:

Դեբեդավանի վարչական ղեկավար Վանյա Դամիրչյանին հարցրինք, թե ո՞րն է դրա պատճառը: Նա ասաց, որ կապված է այն բանի հետ, որ օգոստոսի 1-ին Արագածոտնի մարզի Շամիրամ գյուղում կատարած հանցագործությունից հետո Թելման Քալաշյանը փախուստի է դիմել:

Մտավախություն կա, որ Քալաշյանը կարող է հատել հայ-վրացական սահմանը:

Ոսկան ՍԱՐԳՍՅԱՆ

aravot.am

Նոյյան տապան - Ի՞նչ է գրում մամուլը