Ռուս զինծառայողի մահվան իրական պատճառ է հանդիսացել ներքին արյունահոսությունը.«Փաստինֆո»
17-08-2017 18:08:33 | Հայաստան | Ի՞նչ է գրում մամուլը
Օգոստոսի 13-ին Սևանա լճում ռուս զինծառայողը մահացել է ոչ թե ջրահեղձման հետևանքով, այլ` նրա մահվան պատճառ է հանդիսացել ներքին արյունահոսությունը:
«Փաստինֆո»-ի թղթակիցն այդ մասին տեղեկացավ Քննչական կոմիտեից:
Ավելի վաղ տեղեկացրել էինք, որ զինծառայողn իր երեք ընկերների հետ զորամասից դուրս էր եկել և ուղևորվել Սևանա լիճ, նշված օրը ժամը 18.00-ի սահմաններում լճում լողալիս զինծառայողին հայտնաբերել էին մահացած և որպես նախնական վարկած էր շրջանառվում, որ նա մահացել է ջրահեղձման հետևանքով:
«Գեղարքունիքի մարզային քննչական վարչությունում ձեռնարկվել են առաջնային անհրաժեշտ բոլոր դատավարական գործողությունները՝ պարզելու ՀՀ-ում տեղակայված ռուսական զորամասի պայմանագրային զինծառայողի մահվան հանգամանքները, ստուգելու լճում ջրահեղձ լինելու նախնական վարկածը։ Դիահերձման արդյունքներով՝ դատաբժիշկների տրամադրած նախնական տվյալների համաձայն, զինծառայողի մահվան պատճառ է հանդիսացել ներքին արյունահոսությունը»-ասաց ՀՀ ՔԿ նախագահի խորհրդական Սոնա Տռուզյանը։
ՔԿ նախագահ հանձնարարությամբ՝ զինծառայողի մահվան դեպքի առթիվ նախապատրաստված նյութերը փոխանցվել են ՌԴ քննչական կոմիտեի զինվորական քննչական բաժին։
ՀԱՅԵՐԵՆ
Русский
English
Դաս. հայերեն
French
