Թուրքիայում ավտոբուսը մխրճվել է ճանապարհին գտնվող կամրջի հենասյան մեջ. կա հինգ զոհ

Թուրքիայում ուղևորատար ավտոբուսի մասնակցությամբ տեղի ունեցած ճանապարհատրանսպորտային պատահարի արդյունքում զոհվել է առնվազն հինգ մարդ:

Interfax-ի փոխանցմամբ՝ ավտոբուսն Իզմիրից ուղևորվում էր Անակարա:

Թուրքական մայրաքաղաքից ոչ շատ հեռու ուղևորատար ավտոբուսը բախվել է ճանապարհի վրա գտնվող կամրջի հենասյանը:

Ներկա պահին դեպքի վայրում աշխատում են փրկարարները: Աղբյուրը տեղեկացնում է, որ մեծ թվով վիրավորներ կան:

Ավտոբուսի ուղևորների ազգության մասին առայժմ չի հաղորդվում:

Նոյյան տապան - Հասարակություն