Արդվեցիները հողով են լցրել հանքի համար բացված փոսը. «Հետք»
13-09-2017 18:04:09 | Լոռու մարզ | Ի՞նչ է գրում մամուլը
«Հետք». Լոռու մարզի Արդվի համայնքի բնակիչներն ու նրանց միացած բնապահպանները երեկ հերթական բողոքի ակցիան իրականացրին իրենց գյուղի հարևանությամբ ոսկու հանք բացելու դեմ:
Գյուղացիները հողով լցրին այն փոսը, որն, ինչպես նշեցին իրենք, ապօրինաբար, առանց թույլտվությամբ փորել էր' Արդվի համայնքի Շեկաղբյուրի ոսկու պաշարների համար երկրաբանական ուսումնասիրություններ անցկացնող «Միռամ» ՍՊԸ-ն: Նույն փոսի մեջ խորհդանշորեն թաղվեց նաև ««Միռամ» ՍՊԸ» գրությամբ թուղթը:
Սարը բարձրանալու ճանապարհին նրանք ստուգեցին գյուղի տարածքում առկա ռադիացիայի չափաքանակը, այնուհետև այն չափեցին նաև փորձանմուշներ վերցնելու համար փորված փոսի մեջ, որտեղ 8 նիշով ավելի բարձր էր, քան գյուղում:
Արդվեցիները շարունակում են պայքարել իրենց գյուղից ընդամենը 2 կմ հեռավորության վրա բացվելիք հանքի դեմ: Նրանք ստորագրահավաքներ են իրականացնում, ճանապարհ են փակում, դիմումներ են գրում պատկան մարմիններին:
ՀԱՅԵՐԵՆ
Русский
English
Դաս. հայերեն
French
