Թուֆենկյան հյուրանոցի մոտ վիրավորված Վահագն Աբգարյանի վիճակն անկանխատեսելի է. armtimes.com
14-09-2017 17:38:55 | Հայաստան | Ի՞նչ է գրում մամուլը
Երեւան քաղաքի Թուֆենկյան հյուրանոցի մոտ կրակոցներից վիրավորվածն Ալավերդիում քրեական հեղինակություն համարվող Վահագն Աբգարյանն այս պահին վիրահատվում է: Այս մասին armtimes.com-ի հետ զրույցում ասաց «Աստղիկ» բժշկական կենտրոնի գլխավոր բժիշկ Ռոբերտ Կուրղինյանը: Բժշկի տեղեկացմամբ` նրա մոտ առկա է մարմնական մի շարք վնասվածքներ:
«13:55 րոպե մեզ մոտ բերել են վիրավոր, բայց չեմ կարող ասել շտապօգնության մեքենայով, թե ինչ մեքենայով: Զննման ժամանակ պարզվեց, որ առկա է շոշափվող վերք կրծքավանդակի աջ հատվածի վրա` ելքի եւ մուտքի անցքերով: Առկա է նաեւ բավականին պատառոտված վերքեր` աջ բացկից դեպի նախաբազուկ հատվածում, որտեղ ռենտգեն եւ համակարգչային տոմոգրաֆիա հետազոտություն, որի ժամանակ պարզվեց, որ ունենք կոտրվածք, իսկ, թե անոթներն եւ ջլերը ինչ աստիճանի են վնասվել պարզ կլինի վիրահատությունից հետո»,- armtimes.com-ին ասաց Կուրղինյանը:
Գլխավոր բժշկի խոսքով` հիվանդի վիրահատությունն ընթանում է արդեն 2 ժամ: Միկրովիրաբույժները եւ վնասվածքաբաններն աշխատում են հերթափոխով:
«Վիրահատությունը հարթ է անցնում, ոչ մի անսպասելի բան չկա, բայց հաշվի առնելով, որ ունենք հյուսվածքների լուրջ վնասվածք, չի բացառվում մի շարք ինֆեկցիաների առաջացման վտանգը: Կյանքին վտանգ չի սպառնում, բայց նա ստացել է վիրավորում, որի ընթացքն անկանխատեսելի է»,- նշեց նա:
Տեղեկացնենք նաեւ, որ Վահագն Աբգարյանը բժշկական կենտրոն տեղափոխվել է անհայտ մեքենայով, Շտապբուժօգնության կայանից armtimes.com-ին փոխանցեցին, որ նրանք այսօր նման տուժածի որեւէ ԲԿ չեն տարել:
ՀԱՅԵՐԵՆ
Русский
English
Դաս. հայերեն
French
