Քննարկվել են Առաջին Հանրապետության հռչակման և Մայիսյան հերոսամարտերի 100-ամյակների տոնակատարությունների նախնական ծրագրերը

19-09-2017 18:48:30   | Հայաստան  |  Մամլո հաղորդագրություն
 

 
Հայաստան-Սփյուռք համահայկական 6-րդ համաժողովի շրջանակում սեպտեմբերի 19-ին կայացել է կլոր սեղան քննարկում` նվիրված Հայաստանի Առաջին Հանրապետության հռչակման և Մայիսյան հերոսամարտերի 100-ամյակների, ինչպես նաև Երևանի 2800-ամյակի տոնակատարությունների նախնական ծրագրերի քննարկմանը: 
 
Քննարկման ընթացքում ՀՀ պաշտպանության նախարար Վիգեն Սարգսյանն անդրադարձել է այն լայնածավալ պաշտոնական և տոնական միջոցառումներին, համերգային, մշակութային, պատմաճանաչողական և հայրենասիրական ծրագրերին, մրցույթներին, գիտաժողովներին, նախաձեռնություններին, որոնք նախատեսվում են վերոնշյալ իրադարձությունների շրջանակում կազմակերպել և անցկացնել Հայաստանում և Սփյուռքում:
Վիգեն Սարգսյանն ընդգծել է, որ մեր հերոսամարտերը հայոց պատմության մեջ բացառիկ կարևոր դերակատարություն ունեն, ուստի արվելու է առավելագույնը` այդ իրադարձություններն արժանվույն ներկայացնելու համար: Պաշտպանության նախարարը պատասխանել է քննարկման մասնակիցների բազմաթիվ հարցերին և լսել նրանց առաջարկները` կապված տոնակատարությունների կազմակերպման հետ:
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 204 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար