ՀՀ ԱԻ նախարարի հրամանով ստեղծվել է հանձնաժողով՝ հրդեհների վերաբերյալ վերլուծություն իրականացնելու նպատակով

23-09-2017 18:05:34   | Հայաստան  |  Մամլո հաղորդագրություն
Ի կատարումն ՀՀ վարչապետ Կարեն Կարապետյանի հանձնարարականի՝ ՀՀ ԱԻ նախարար Դավիթ Տոնոյանի հրամանով ստեղծվել է հանձնաժողով ՝ ՀՀ Վայոց Ձորի մարզի Արտավան գյուղի հարակից անտառային տարածքում, Խոսրովի անտառ պետական արգելոց պետական ոչ առևտրային կազմակերպության տարածքում, Նաիրիտ գործարան փակ բաժնետիրական ընկերությունում և ՀՀ Արագածոտնի մարզի Բյուրական գյուղի հարակից անտառային տարածքում ծագած հրդեհների վերաբերյալ վերլուծություն իրականացնելու նպատակով: 
 


Վերլուծության իրականացման նպատակն է՝ ստուգել հրշեջ-փրկարարական ստորաբաժանումների մարտական պատրաստվածության մակարդակը, հրդեհաշիջման ժամանակ նրանց գործողությունների ընթացքը, քննարկել հրդեհաշիջման աշխատանքների ղեկավարման կազմակերպման հարցերը, ստուգել հրդեհաշիջման օպերատիվ պլանների և հրդեհաշիջման քարտերի համապատասխանությունը իրական հրդեհների պայմաններին, ինչպես նաև՝ պարզել վերոնշյալ կազմակերպությունների հակահրդեհային վիճակը, օպերատիվ մարտավարական առանձնահատկությունները, հրդեհի առաջացման և զարգացման հանգամանքները:
 
Սեպտեմբերի 23-ին ՀՀ ԱԻՆ ՓԾ տնօրենի տեղակալ, փ/ծ գեներալ-մայոր Վ.Գաբրիելյանի գլխավորությամբ անցկացվեց հանձնաժողովի անդամների hերթական խորհրդակցությունը, որի ընթացքում ներկայացվեցին ընթացիկ աշխատանքների վերաբերյալ հաշվետվություններ: 
 
Խորհրդակցության մասնակիցներին հանձնարարվեց ներկայացնել առաջարկություններ՝ հրդեհների մարման ընթացքում հայտնաբերված թերությունների վերացմանն ուղղված աշխատանքների վերաբերյալ՝ միջոցառումների պլան-ժամանակացույցում ընդգրկելու նպատակով:
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 165 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար