Հաքերները կարողանում են հեռակա կերպով արգելափակել iPhone-ները
23-09-2017 19:06:35 | | Գիտություն եւ տեխնոլոգիաներ
Հաքերները Mac և iPhone դասի սարքավորումները հեռակա կարգով արգելափակելու միջոց են գտել, որի համար օգտագործում են «գտնել իմ iPhone-ը» գործառույթը iCloud հավելվածում:
Ինչպես հայտնում է Корреспондент-ը, սարքավորումն արգելափակումից հանելու համար հանցագործները փրկագին են պահանջում բիթքոինի տեսքով: Նման եղանակով ապաարգելափակման առկայության մասին տեղեկությունը հաստատում են նաև Twitter-ի օգտատերերը. Միակ բանը, որը նրանք տեսնում են արգելափակման էկրանն է՝ որպես փրկագին որոշակի գումար վճարելու պահանջով:
Դեռևս չի բացահայտվել, թե ինչպես են հաքերները հասանելիություն ձեռք բերում «գտնել իմ iPhone-ը» գործառույթին, հավանաբար դա տեղի է ունեցել iCloud-ում օգտատերերի մասին տեղեկությունների արտահոսքի արդյունքում:
Մասնագետները խորհուրդ են տալիս օգտատերերին հնարավորինս շուտ անջատել «գտնել իմ iPhone-ը» գործառույթը: