Ճարտարի թիվ 2 մանկապարտեզի երեխաների թիվը տարեցտարի աճում է. տնօրեն. Artsakhpress.am

25-09-2017 18:00:39 | Արցախ (ԼՂՀ) | Հասարակություն

Ճարտարի Էմանուել դը Լաբառիի անվան թիվ 2 մանկապարտեզի երեխաների թիվը տարեցտարի աճում է:

Այս մասին «Արցախպրես»-ի թղթակցի հետ զրույցում ասել է մանկապարտեզի տնօրեն Հասմիկ Ջիվանյանը և նշել, որ մանկապարտեզ հաճախող երեխաների թիվն արդեն 75 է:

«ԱՀ կառավարության և «Հայաստան» համահայկական հիմնադրամի միջոցներով 2011 թվականին կառուցվել է երկհարկանի մանկապարտեզի շենք, որի կահավորումը և համապատասխան գույքով ապահովումը իրականացրել են ֆրանսիահայ բարերարներ՝ Միշել Տանկրեզի և Միշել Պազամյանի միջոցներով: Մանկապարտեզն ամբողջությամբ համապատասխանում է ժամանակակից չափանիշներին»,-ավելացրել է Հ. Ջիվանյանը: