ՀՀ արդարադատության նախարար Դավիթ Հարությունյանը հրապարակայնորեն կեղծում է (տեսանյութ)
10-10-2017 02:33:40 | Հայաստան | Իրավունք
Պատասխանատու կերպով հայտարարում ու ստորև ապացուցում եմ, որ ՀՀ արդարադատության նախարար Դավիթ Հարությունյանը լրագրողի հարցին պատասխանելով, հրապարակայնորեն կեղծել է հոկտեմբերի 9-ին «Ընտանեկան բռնության կանխարգելման և ընտանեկան բռնության ենթարկված անձանց պաշտպանության մասին» ՀՀ օրենքի նախագծի վերաբերյալ իր ղեկավարած նախարարության կազմակերպած հանրային քննարկման նպատակի և քննարկման ընթացքում նախագծի ընդդիմախոսներին ի սկզբանե խոսքի իրավունք չտալու պատճառի վերաբերյալ:
Նախարարությունը հիշյալ քննարկման վերաբերյալ իր հրապարակած տեղեկատվությամբ մարդկանց կոչ էր արել մասնակցել «Ընտանեկան բռնության դեմ պայքար. իրականացված աշխատանքներ և հետագա քայլեր» խորագրով հանրային քննարկմանը և արտահայտել իրենց կարծիքը այս կարևոր թեմայի շուրջ:
ՀՀ արդարադատության նախարարության հրապարակած տեղեկատվության մեջ նշված է նաև` «Միջոցառման ընթացքում ՀՀ արդարադատության նախարարության, Հայ Առաքելական Եկեղեցու, ՀՀ Մարդու իրավունքների պաշտպանի գրասենյակի և քաղաքացիական հասարակության, ինչպես նաև ՀՀ ոստիկանության ներկայացուցիչները կներկայացնեն և կփոխանակեն կարծիքներ ընտանեկան բռնության կանխարգելման, դրա դեմ պայքարի և «Ընտանեկան բռնության կանխարգելման և ընտանեկան բռնության ենթարկված անձանց պաշտպանության մասին» ՀՀ օրենքի նախագիծի մասին»:
Այս մասին տես նաև «ՀՀ արդարադատության նախարարությունն իր այս խայտառակ շոուով ուղղակի վարկաբեկեց ինքն իրեն» վերտառությամբ հրապարակումը:
ՀԱՅԵՐԵՆ
Русский
English
Դաս. հայերեն
French
