Կրթությունն ու սպորտը մեկ ռիթմով. Արթուր Աբրահամը Dasaran-ում
10-10-2017 12:35:11 | Հայաստան | Մամլո հաղորդագրություն
IBF վարկածով աշխարհի չեմպիոն Արթուր Աբրահամը Dasaran կրթական կենտրոն այցելած ուսուցիչներին և Գեղարքունիքի մարզի դպրոցականներին ներկայացրեց հաջողության իր բանաձևը՝ կարևորելով կրթության դերը սպորտի և ցանկացած այլ ոլորտում:
Դպրոցականների զարմանքին հաջորդեց ոգևորությունը, հիացմունքն ու հարցերի տեղատարափը:
Այո... Dasaran-ի հյուրերի համար նախատեսված անակնկալն իսկապես ստացված էր:
Հայազգի մեծանուն բռնցքամարտիկը պատմեց սպորտում անցած իր ճանապարհի մասին՝ նշելով, որ կրթությունն ու գիտելիքը նույնիսկ ռինգում են օգնում հաղթանակ տանել: Նա պատասխանեց երեխաների բոլոր հարցերին՝ խորհուրդ տալով երբեք չհանձնվել և վստահ քայլերով գնալ երազանքի հետևից: Դպրոցականներն էլ իրենց հերթին անակնկալ էին պատրաստել՝ ավանդական-հայկական երգ ու պարով լցնելով Dasaran-յան ջերմ մթնոլորտը:
Նույն ոգևորությամբ աշակերտները մասնակցեցին կենտրոնում կազմակերպված արդիական կրթական նոր ձևաչափով անցկացվող ուսումնական գործընթացին, որտեղ աշակերտը հանդես է գալիս ոչ թե լսողի, այլ մասնակցի դերում՝ արդյունավետ կերպով հարստացնելով իր գիտելիքների պաշարը:
Միջոցառման ավարտին դպրոցականները կրթական կենտրոնից հեռացան ավանդական Dasaran-յան նվերներով, նոր գիտելիքներով և անմոռանալի տպավորություններով:
ՀԱՅԵՐԵՆ
Русский
English
Դաս. հայերեն
French
