Մեկնարկում են հանրակրթական դպրոցների 8-12-րդ դասարանների սպարտակիադայի ծրագրով անցկացվող հնգամարտի և վոլեյբոլի մրցումները
17-10-2017 15:33:59 | Հայաստան | Սպորտ
Այսօր մեկնարկել է ՀՀ մարզերի, Երևան քաղաքի և ԼՂՀ Ստեփանակերտ քաղաքի հանրակրթական դպրոցների 8-12-րդ դասարանների սպարտակիադայի ծրագրով անցկացվող հնգամարտի մրցումների եզրափակիչ փուլը, որին մասնակցում է 120 աշակերտ:
Մրցումներն անցկացնում են «Հայաստան» մարզական հասարակական կազմակերպության մարզադաշտում: Վաղը՝ հոկտեմբերի 18-ին, ժամը 13:00 տեղի կունենա հաղթողների և մրցանակակիրների պարգևատրման արարողությունը, որոնք կպարգևատրվեն ՀՀ սպորտի և երիտասարդության հարցերի նախարարության կողմից սահմանված մեդալներով և գավաթներով և կարժանանան հավաստագրերի:
Միաժամանակ տեղեկացնենք, որ սպարտակիադայի ծրագրով անցկացվող վոլեյբոլի մրցումների եզրափակիչ փուլը մեկնարկելու է վաղ ԵՊՀ մարզադահլիճում: Վոլեյբոլի մրցումների եզրափակիչ խաղերը և պարգևատրման արարողությունը տեղի կունենա հոկտեմբերի 22-ին: Հաղթող և մրցանակակիր թիմերն ու մասնակիցները ՀՀ սպորտի և երիտասարդության հարցերի նախարարության կողմից կստանան հավաստագրեր, կարգևատրվեն մեդալներով և գավաթներով:
Վոլեյբոլի մրցումներին կմասնակցեն ՀՀ մարզերի, Երևան քաղաքի և Արցախի Հանրապետության Ստեփանակերտ քաղաքի հանրակրթական դպրոցների 8-12-րդ դասարանների թվով 240 աշակերտներ:
ՀԱՅԵՐԵՆ
Русский
English
Դաս. հայերեն
French
