Սիրիական Իդլիբում Թուրքիայի զինված ուժերի կողմից իրականացվող գործողությունը մոտենում է ավարտին
24-10-2017 18:24:22 | Թուրքիա | Միջազգային
Սիրիական Իդլիբում Թուրքիայի զինված ուժերի կողմից իրականացվող գործողությունը մոտենում է ավարտին: Նրանց հաջորդ թիրախը կարող է դառնալ Սիիայի հյուսիսում գտնվող Աֆրին քրդական շրջանը:
Tass-ի փոխանցմամբ՝ այս մասին հայտարարել է Թուրքիայի նախագահ Ռեջեփ Թաիբ Էրդողանը՝ հանդես գալով իշխող Արդարություն և զարգացում կուսակցության նիստի ընթացքում:
«Իդլիբում գործողությունն ըստ էության ավարտին է մոտեցել: Մեր հաջորդ թիրախը Աֆրինն է: Մենք կարող ենք մեկ գիշեր պատահականորեն մտնել և հարված հասցնել»,- ասել է նա:
Նշվում է, որ Իդլիբում Թուրքիայի զինված ուժերի գլխավոր շտաբը գործողություն իրականացնելու մեկնարկի մասին հայտարարել էր հոկտեմբերի 9-ին:
Աղբյուրի տեղեկացմամբ՝ Անկարան աշխատում է երեք ստացիոնար ռազմակայանների և ավելի քան 40 դիտորդական կետերի տեղակայման ուղղությամբ, որոնց թվում շուրջ 30-ը կլինեն շարժական:
ՀԱՅԵՐԵՆ
Русский
English
Դաս. հայերեն
French
