Թուրքիան հավատում է Սիրիայում հակամարտության քաղաքական կարգավորմանը
30-10-2017 17:13:44 | Թուրքիա | Միջազգային
Անկարան շարունակում է հավատալ սիրիական ճգնաժամի քաղաքական լուծմանը: tass-ի փոխանցմամբ՝ այս մասին հայտարարել է Թուրքիայի նախագահ Ռեջեփ Թաիբ Էրդողանը:
Նա ադրբեջանական ԶԼՄ-ներին տված հարցազրույցում, մասնավորապես, նշել է. «Մենք վստահ ենք, որ Սիրիայի հակամարտությունը կկարգավորվի միայն քաղաքական ճանապարհով: Սիրիայում քաղաքական անցումային գործընթացին մեր ուժային աջակցությունը շարունակվելու է ինչպես Աստանայում, այնպես էլ Ժնևում կայացած հանդիպումների շրջանակներում»:
Էրդողանի խոսքերով՝ Թուրքիան կատոգորիկ կերպով թույլ չի տալու ահաբեկչական միջանցքներ ստեղծել իր սահմանին: Այդ իսկ պատճառով թուրքական իշխանությունները կշարունակեն ջանքեր գործադրել Սիրիայում հակամարտության քաղաքական լուծման հասնելու համար:
Թուրք առաջնորդը նաև ընդգծել է, որ իր երկիրը քայլելու է Իրաքի կառավարության հետ համընթաց՝ նպատակ ունենալով այդ երկրում ապահովել խաղաղություն և կայունություն:
ՀԱՅԵՐԵՆ
Русский
English
Դաս. հայերեն
French
