Իրանական օդուժը կառավարվող օդային ռումբեր է փորձարկել
31-10-2017 15:57:09 | Իրան | Միջազգային
Իրանական ռազմաօդային ուժերը կենտրոնական Իսֆահան նահանգում անցկացված զորավարժությունների ընթացքում փորձարկել են կառավարվող օդային ռումբեր:
Interfax-ի փոխանցմամբ՝ այդ մասին հաղորդվում է զորավարժությունների անցկացման համար պատասխանատու գերատեսչության պաշտոնական ներկայացուցիչը:
Աղբյուրի տեղեկացմամբ՝ ռազմական F-7 ինքնաթիռները կիրառել են հեռահար ռումբեր և տեղական արտադրության հրթիռներ:
Իրանի ռազմաօդային ուժերի պաշտոնական ներկայացուցիչ Մասուդ Ռուժխոշի խոսքերով՝ զորավարժությունների ընթացքում F-5 կործանիչները և HESA Saeqeh-ը 226 կգ քաշով ռումբերի օգնությամբ խոցել են նպատակակետերը:
Նշվում է, որ իրանական օդուժը երեքշաբթի սկսել է ամենամյա զորավարժությունները, որոնք ինչպես սպասվում է, կտևեն երկու օր:
Զորավարժություններին մասնակցում են տասնյակ ռմբակոծիչներ, կործանիչներ, տրանսպորտային օդանավեր, ինչպես նաև հետախուզական ինքնաթիռներ, վերալիցքավորման ինքնաթիռներ ու անօդաչու թռչող սարքեր: