Ֆուտբոլ Մ 19. Հայաստանի հավաքականը չկարողացավ անցնել էլիտ-ռաունդ

15-11-2017 18:22:16 | Լյուքսեմբուրգ | Սպորտ

Լյուքսեմբուրգում ավարտվեց ֆուտբոլի Մ 19 տարեկանների Եվրոպայի 2018 թվականի առաջնության որակավորման մրցաշարը: Երրորդ ընտրական խմբում Հայաստանի հավաքականի մրցակիցներն էին Չեխիայի, Շոտլանդիայի եւ Լյուքսեմբուրգի թիմերը:

Վերջին խաղում մեր ընտրանին ոչ-ոքի խաղաց մրցաշարի տերերի հետ՝ 2:2: Հայաստանի հավաքականի կազմում աչքի ընկան Հովհաննես Հարությունյանը եւ Վահան Բիչախչյանը:

Ավելի վաղ Արտակ Օսեյանի սաները 0:5 հաշվով զիջել էին Չեխիայի թիմին, այնուհետեւ ոչ-ոքի խաղացել Շոտլանդիայի հետ՝ 3:3:

Թիմերի ամփոփիչ դասավորությունը. Չեխիա՝ 9 միավոր, Շոտլանդիա՝ 4, Հայաստան՝ 2, Լյուքսեմբուրգ՝ 1:

Էլիտ-ռաունդ անցան Չեխիան եւ Շոտլանդիան:

ՀԱՕԿ

Նոյյան տապան - Սպորտ