Խաչիկ Հակոբյանը հանդիպել է Հայաստանում ԱՄՆ դեսպանատան պատասխանատուներին
16-11-2017 15:25:02 | Հայաստան | Մամլո հաղորդագրություն
ՀՀ բնապահպանության նախարարի տեղակալ Խաչիկ Հակոբյանը հանդիպում է ունեցել Հայաստանում ԱՄՆ դեսպանատան տնտեսական և առևտրի հարցերի պատասխանատու Ռաֆայել Սամբուի և քաղաքական ու տնտեսական բաժնի տնտեսագետ Ալեքսեյ Հովակիմյանի հետ։ Հանդիպմանը մասնակցել են ՀՀ բնապահպանության նախարարության միջազգային վարչության, Կլիմայի փոփոխության և մթնոլորտային օդի պահպանության քաղաքականության և «Շրջակա միջավայրի մոնիթորինգի և տեղեկատվության կենտրոն>>-ի համապատասխան ստորաբաժանումների ներկայացուցիչներ։
Նախարարի տեղակալ Խ.Հակոբյանը կարևորել է դեսպանատան պատասխանատուների այցը, որի նպատակն էր քննարկել համագործակցության ամրապնդումն ու աջակցության հետագա հնարավորությունները։
Հանդիպման ընթացքում քննարկվել են նաև «Խոսրովի անտառ» պետական արգելոցի օրինակով՝ հրդեհների կանխարգելման և կարողությունների զարգացման, տեխնիկական խնդիրների, նոր տեխնոլոգիական լուծումների անհրաժեշտության հարցերը:
Հանդիպման ընթացքում կարևորվել են տեխնիկական զինվածության հարցերը, հրդեհներին հակազդող, տեխնիկապես հագեցած համակարգերի ստեղծումը, ինչի ուղղությամբ աջակցության նպատակով բանակցություններ են տարվում գործընկեր երկրների հետ։
Քննարկման ընթացքում անդրադարձ է եղել նաև շարժական լաբորատորիայի ստեղծման խնդրին, ինչը հնարավորություն կտա տեղում օդի որակի արագ ստուգում իրականացնել։
ՀԱՅԵՐԵՆ
Русский
English
Դաս. հայերեն
French
