Տուրիզմի բաժինը հրավիրում է ուսանողներին մասնակցելու «Ես եմ իմ քաղաքի զբոսավարը» դասընթաց-ծրագրին

20-11-2017 18:27:50   | Հայաստան  |  Հասարակություն
 


 
Սիրելի՛ ուսանողներ,
Երևանի քաղաքապետարանի տուրիզմի բաժինը հայտարարում է «Ես եմ իմ քաղաքի զբոսավարը» երկշաբաթյա դասընթաց-ծրագրի մեկնարկի մասին:
Ծրագրին կարող են մասնակցել զբոսաշրջության, սպասարկման, օտար լեզուների մասնագիտությամբ սովորող և քաղաքային զբոսաշրջությամբ, զբոսավարի գործունեությամբ հետաքրքրվող ուսանողները: 
 
«Ես եմ իմ քաղաքի զբոսավարը» ծրագիրը բաղկացած է լինելու երկու մասից՝ տեսական և գործնական: Առաջին փուլով մասնակիցները կանցնեն դասընթացների շարք, որի ընթացքում նրանց կդասախոսեն ոլորտի լավագույն մասնագետները, իսկ ծրագրի երկրորդ փուլով մասնակիցները հնարավորություն կստանան աշխատելու որպես զբոսավար համայնքային թանգարաններում, մասնակցելու քաղաքային միջոցառումներին և անմիջականորեն դառնալու մեր քաղաք այցելող զբոսաշրջիկների զբոսավարը:
Ծրագրի նպատակն է՝ հնարավորություն տալ զբոսաշրջության ոլորտով հետաքրքրվող ուսանողներին մասնակից դառնալու քաղաքային զբոսաշրջության կազմակերպման գործընթացին, ինչպես նաև ստանալու Երևանի վերաբերյալ զբոսաշրջային հետաքրքրություն ներկայացնող անհրաժեշտ տեղեկատվություն:
Մանրամասն տեղեկությունների համար ցանկացողները կարող են դիմել Երևանի քաղաքապետարանի տուրիզմի բաժին՝ 011 514-230 հեռախոսահամարով, իսկ հայտերը ընդունվում են [email protected] էլեկտրոնային հասցեով՝ մինչև ս/թ նոյեմբերի 30-ը:
«Ես եմ իմ քաղաքի զբոսավարը» ծրագրի գործընկերներ է «Հայ զբոսավարների գիլդիա» հասարակական կազմակերպությունը:
 
Երևանի քաղաքապետարանի աշխատակազմի տուրիզմի բաժին
 
Նոյյան տապան   -   Հասարակություն
Լուրեր Հայաստանից եւ Սփյուռքից

Կարդացել են 213 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար