Վրաստանում հայտնաբերվել է ոչնչացված ահաբեկիչների զենքերով թաքստոցը
05-12-2017 12:15:21 | Վրաստան | Հասարակություն
Վրաստանի պետական անվտանգության ծառայության ղեկավար Վախթանգ Գոմելաուրին հաղորդել է, որ նոյեմբերի 22-ին անցկացված հատուկ գործողության ընթացքում ոչնչացվել է ահաբեկիչների խումբ, որը պետական սահմանը հատել է ապօրինի ճանապարհով: Բացի այդ, հայտնաբերվել է նրանց գտնվելու թաքստոցը և զենքները, որոնք կարող էին օգտագործել հանցագործները:
Interfax-ի փոխանցմամբ՝ Գոմելաուրին նշել է, որ առայժմ քննության շահերից ելնելով, չի կարող նշել, թե որ պետության հետ սահամանային հատվածից են ահաբեկիչները ներթափանցել:
Վրացի պաշտոնյան նաև տեղեկացրել է, որ հարցաքննության ընթացքում այդ ահաբեկչական խմբավորման անդամ Սաեդ Դուդաևը հայտնել է անտառում գտնվող թաքստոցի տեղը, որտեղ էլ հայտնաբերվել է զենքը:
«Այժմ փորձաքննություն է իրականացվում պարզելու, թե իսկապե՞ս երեք ոչնչացված ահաբեկիչներն օգտագործել են այդ թաքստոցում հայտնաբերված զենքերը»,- նշել է Գոմելաուրին:
ՀԱՅԵՐԵՆ
Русский
English
Դաս. հայերեն
French
