Նոյեմբերի 27-ից դեկտեմբերի 1-ը նորերով է փոխարինվել փողոցների ու բակերի 275 վնասված լուսատու

08-12-2017 11:22:34   | Հայաստան  |  Հասարակություն
Երևանի քաղաքապետարանի «Երքաղլույս» ՓԲԸ-ից տեղեկացնում են, որ նոյեմբերի 27-ից դեկտեմբերի 1-ն ընկած ժամանակահատվածում նորերով է փոխարինվել փողոցների ու բակերի 275 վնասված լուսատու: Այգիների և խաղահրապարակների արտաքին լուսավորության ցանցերում առկա բոլոր թերությունները վերացվել են:
 


Արագ արձագանք են ստացել նաև թեժ գծերով ստացված զանգերը: Նախորդ ամսվա ընթացքում կառուցվել և Երևանի արտաքին լուսավորության ցանցին է միացվել 4 փողոց, փողոցի հատված և 1 բակային տարածք: Ընթացքի մեջ են 1 օբյեկտի արտաքին լուսավորության ցանցի կառուցման աշխատանքները:
Մայրաքաղաքում շարունակվում են տոնական գեղարվեստական լուսավորության նախապատրաստական աշխատանքները: Առանձին դեպքերում ցերեկային ժամերին փողոցներում միացված լուսավորությունը պայմանավորված է ցանցում իրականացվող տեխնիկական գործառույթներով:
 
Նոյյան տապան   -   Հասարակություն
Լուրեր Հայաստանից եւ Սփյուռքից