ՊԵԿ-ը հարկ վճարողներին է ներկայացնում հարկային օրենսդրության փոփոխությունները

08-12-2017 11:04:46   | Հայաստան  |  Մամլո հաղորդագրություն
 


 
Հարկային օրենսդրության փոփոխությունների վերաբերյալ տնտեսվարողներին իրազեկելու միջոցառումների շրջանակում՝ դեկտեմբերի 6-ին Մոսկվա կինոթատրոնում հանդիպում է տեղի ունեցել ՊԵԿ ներկայացուցիչների և Խոշոր և միջին հարկ վճարողների հարկային տեսչություն-վարչությունում հաշվառված ու Երևանում գործունեություն իրականացնող հարկ վճարողների միջև:
 
«Ինչպես հայտնի է, 2018թ. հունվարի մեկից ուժի մեջ կմտնի հարկային օրենսգիրքը, որտեղ նախատեսված են մեծածավալ փոփոխություններ: Կարևորելով ինչպես հարկային մարմինների, այնպես էլ հարկ վճարողների շրջանում նոր հարկային օրենսդրության օրենքների ճիշտ կիրառումը՝ կոմիտեն նախաձեռնել է իրազեկման աշխատանքների մի ամբողջ փաթեթ, որի շրջանակում նախատեսվում է տարբեր եղանակներով հարկ վճարողներին ներկայացնել 2018թ.-ից ուժի մեջ մտնող հարկային օրենսդրության փոփոխությունները»,-նշել է ՊԵԿ նախագահի տեղակալ Վախթանգ Միրումյանը: Հարկ վճարողների հետ հանդիպումներ կլինեն ոչ միայն Երևանում, այլև ՀՀ բոլոր մարզերում: Վ. Միրումյանի խոսքով իրազեկման աշխատանքները լինելու են հարկային օրենսգրքի բոլոր ուղղություններով. «Անդրադարձ է լինելու հարկային օրենսգրքի ընդհանուր դրույթներին, առանձին հարկատեսակներին վերաբերող կարգավորումներին, ինչպես նաև վարչարարական ընթացակարգերին»:
 
ՀՀ ԿԱ ՊԵԿ տեղեկատվության 
և հասարակայնության հետ կապերի բաժին
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 258 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար


Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար