«Ամանորը Նազարի մոտ-2».փոքրիկների շրջանում սեր սերմանելով դեպի թատրոնը

09-12-2017 11:50:30   | Հայաստան  |  Մշակույթ
 


 
Սիրված դերասան, ռեժիսոր Նարեկ Դուրյանը «Բոհեմ» թատրոնում ներկայացնում է նոր մանկական ամանորյա կատակերգություն: Հաշված օրերից «Բոհեմ» թատրոնում կտիրի տոնական տրամադրություն.հայկական հեքիաթի հերոսները կայցելեն Քաջ Նազարին ու Ուստիանին: «Ամանորը Նազարի մոտ-2» ներկայացումը դեկտեմբերի 22-26-ը և հունվարի 3-7-ը օրական երկու-երեք անգամ կցուցադրվի փոքրիկ հանդիսատեսի համար: 
 
«Ներկայացման երգերի բառերի և երաժշտության հեղինակը Նարեկ Դուրյանն է: Ներառված են նաև ինտերակտիվ հատվածներ. երեխաներն անմիջական մասնակցություն կունենան ներկայացմանը: Բեմադրությունն ուսուցողական բնույթի է, երեխաները բավականին հետաքրքիր ինֆորմացիա կստանան հայի, հայրենիքի և այլ հարցերի շուրջ»,-նշում է թատրոնի պրոդյուսեր Քրիստինա Հովհաննիսյանը: 
Դերերում հանդես են գալիս Թամարա Պետրոսյանը, Աշոտ Քարտաշյանը, Շուշան Սահակյանը, Թելման Առաքելյանը, Տաթև Միրումյանը, Գարիկ Միրզոյանը, Արտակ Մանուկյանը, Սիրանուշ Յիրիկյանը: 
Հատկանշական է, որ «Բոհեմ»-ն այս ներկայացմամբ փորձում է փոքրիկների շրջանում սեր սերմանել դեպի թատրոնը: «Ամեն բան արվում է, որ ապահովվի երեխաների հեքիաթն ու իրենց հետագան մեզ հետ շարունակվի»,-հավելում է Քրիստինա Հովհաննիսյանը:
Նոյյան տապան   -   Մշակույթ
Լուրեր Հայաստանից եւ Սփյուռքից

Կարդացել են 1987 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար


Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար