Հայտնի են դարձել այն մթերքները, որոնք կօգնեն ազատվել անքնությունից
11-12-2017 17:38:06 | Հայաստան | Գիտություն եւ տեխնոլոգիաներ
Քունը զգալիորեն կախված է նրանից, թե ինչ մթերքներ է օգտագործում մարդը։
Корреспондент-ի փոխանցմամբ՝ ավստրալացի դիետոլոգ Ռիք Հեյն անվանել է այն մթերքները, որոնք օգնում են ազատվել անքնությունից։
Մասնագետը դասակարգման աղյուսակում առաջին տեղը հատկացրել է կանաչ և սպիտակ թեյին։ Նրանց մեջ պարունակվող L-տեանինը (L-теанин) օգնում է հանգստացնել նյարդային համակարգը։
Երկրորդ տեղում երիցուկներով թեյն է, որի կանոնավոր օգտագործումը քնից առաջ, ազատում է անհագստությունից։
Դարչինը հայտնվել է երրորդ տեղում։ Մի քանի ժամը մեկ մարդիկ արթնանում են արյան մեջ շաքարի մակարդակի տատանումներից։ Դարչինը կարող է կայունացնել այդ ցուցանիշը, իսկ շաքարախտով հիվանդ մարդկանց դեպքում՝ նույնիսկ իջեցնել։
Աղբյուրի փոխանցմամբ՝ դիետոլոգը խորհուրդ է տալիս օգտագործել նաև կոճապղպեղ, կիտրոն, լայմ և բաոբաբի պտուղներ, որոնք պարունակում են տարբեր վիտամինային կոմպլեքսներ։
Այդ բոլորը մթերքները հանգստացնում են նյարդային համակարգը, հետևաբար՝ լավ անդրադառնում քնի վրա։