Երուսաղեմի հարցում Պուտինի հետ մեր տեսակետները միանման են. Էրդողան
12-12-2017 17:34:06 | Թուրքիա | Ի՞նչ է գրում մամուլը
tert.am. Թուրքիայի նախագահ Ռեջեփ Թայիփ Էրդողանը հայտարարել է, որ ինքն ու Ռուսաստանի նախագահ Վլադիմիր Պուտինը Երուսաղեմի կարգավիճակի հարցում բավականին նման տեսակետներ ունեն և հիմնականում համակարծիք են, գրում է gazeteduvar.com.tr կայքը:
«ԱՄՆ-ի այս անպատասխանատու քայլի (Երուսաղեմն Իսրայելի մայրաքաղաք ճանաչելը-Tert.am) արդյունքները մենք տեսնում ենք: Օկուպացված պաղեստինյան տարածքներում 4 պաղեստինցի է նահատակվել: Խելք ունեցող որևէ մեկը չի կարող չնկատել այս հանցանքները: Մեր հանդիպման ժամանակ ես տեսա, որ հարգելի Պուտինի հետ մեր մոտեցումները Երուսաղեմի հարցում նման են», - ասել է Էրդողանը:
Հիշեցնենք, որ նախօրեին Կահիրեում Պուտինն առաջին անգամ քննարկել է ԱՄՆ նախագահ Դոնալդ Թրամփի որոշումը Երուսաղեմի կարգավիճակի վերաբերյալ: Նշվել է, որ Մոսկվան և Կահիրեն կողմ են պաղեստինա-իսրայելական ուղիղ երկխոսության վերականգնմանը: