«Տարվա նախագիծ և կառույց-2017» միցույթ-ցուցահանդես
15-12-2017 17:09:40 | Հայաստան | Մամլո հաղորդագրություն
ՀՀ ԿԱ քաղաքաշինության պետական կոմիտեի Ալ. Թամանյանի անվան ճարտարապետության ազգային թանգարան-ինստիտուտի Տրդատ սրահում ցուցադրվում են «Տարվա նախագիծ և կառույց-2017» միցույթ-ցուցահանդեսին ներկայացված աշխատանքները:
Միցույթ-ցուցահանդեսին ներկայացվել են թվով 13 հայտ Ճարտարապետական իրականացված կառույց, Ճարտարապետական նախագիծ, Լանդշաֆտային ճարտարապետություն, Ինտերիերի դիզայն, Պատմամշակութային հուշարձանի վերականգնում և վերակառուցում և Լավագույն տպագիր հրատարակություն (ֆիլմ) ճարտարապետության բնագավառում անվանակարգերում:
Ներկայացված աշխատանքների վերաբերյալ ժյուրիի (նախագահ՝ ՀՀ ԿԱ քաղաքաշինության պետական կոմիտեի նախագահի տեղակալ Արմեն Ղուլարյան) մասնագիտական եզրակացությունը հայտնի կլինի դեկտեմբերի 20-ից հետո:
Տեղեկացնենք նաև, որ հաղթողների համար նախատեսված են մրցանակներ`
առաջին կարգի մրցանակ` 600 000 ՀՀ դրամ,
երկրորդ կարգի երկու մրցանակ, յուրաքանչյուրը` 400 000 ՀՀ դրամ,
երրորդ կարգի երեք մրցանակ, յուրաքանչյուրը` 200 000 ՀՀ դրամ գումար:
Մասնակիցներին հանձնվելու են նաև մասնակցության դիպլոմներ և մրցույթ-ցուցահանդեսի կատալոգներ: