Թափառող կենդանիների վնասազերծման ծառայությունների ձեռք բերման նպատակով բաց մրցույթը տեղի չի ունեցել.«Երկիր Ծիրանի»
15-12-2017 18:51:56 | Հայաստան | Մամլո հաղորդագրություն
ԼՐԱՑՈՒՑԻՉ ՊԱՐԶԱԲԱՆՈՒՄ
Սույն թվականի դեկտեմբերի 11-ին կայացել է Երևանի քաղաքապետարանի կարիքների համար թափառող կենդանիների վնասազերծման ծառայությունների ձեռք բերման նպատակով բաց մրցույթի հանձնաժողովի նիստ, որի ընթացքում գնահատվում էր Երևան համայքնում թափառող շների քնեցման և ստերջացման բաց մրցույթի միակ հայտատու և միակ մասնակից հանդիսացող «Յունիգրաֆիքս» ՍՊԸ-ի ներկայացրած փաստաթղթերը:
Երևանի ավագանու «Երկիր Ծիրանի» խմբակցության անդամ Սոնա Աղեկյանը, հանդիսանալով վերը նշված հանձնաժողովի գնահատող անդամ, փաստաթղթերը գնահատելիս, զրոյական է գնահատել բոլոր ներկայացված փաստաթղթերը, բացառությամբ Գնային առաջարկի, որն ուղղակի գնահատման հնարավորություն չուներ: Եվ քանի որ անճշտութուններից մեկը հենց ներառված էր ներկայացված Գնային առաջարկում, ապա, Գնումների մասին օրենքի 33 հոդվածի 4-րդ կետի համապատասխան, Սոննա Աղեկյանի կողմից գրավոր ներկայացվել է Հատուկ կարծիք, որը ևս կցվել է հանձնաժողովին ներկայացված փաստաթղթերին:
Երևան համայնքում առկա թափառող շների իրական թվաքանակի և ներկայացված քանակի միջև կա մեծ տարբերություն, որը հնարավորություն է ստեղծում քաղաքային բյուջեից գումարի անհիմն վատնման և/կամ ապօրինի օգտագործման: Բոլոր պարագաներում արձանագրում եմ, որ մրցույթ տեղի չի ունեցել:
«Երկիր Ծիրանի» խմբակցությունը սույն գրությամբ ևս մեկ անգամ հայտնում է իր դիրքորոշումը տվյալ գործառույթի վերաբերյալ:
Կցվում է նաև Հատուկ կարծիքը:
ՀԱՏՈԻԿ ԿԱՐԾԻՔ
Ես՝ Սոննա Սուրենի Աղեկյանս, որպես Երևանի քաղաքապետարանի կարիքների համար թափառող կենդանիների վնասազերծման ծառայությունների ձեռք բերման նպատակով բաց մրցույթի հանձնաժողովի գնահատող անդամ, ուսումնասիրելով Բաց մրցույթի` ԵՔ-ԲՄԾՁԲ-18/6 ծածկագրով գնման ընթացակարգին ներկայացված միակ մասնակից համարվող «Յունիգրաֆ-Իքս» ՍՊԸ-ի կողմից ներկայացված փաստաթղթերը, գտնում եմ, որ ԳՆԱՅԻՆ ԱՌԱՋԱՐԿ-ում ներկայացված Արժեքը՝ ինքնարժեքի և կանխատեսվող շահույթի հանրագումարը իրական և իրատեսական չէ:
2017 թվականի նոյեմբերին Երևանում կատարված Worldwide Veterinary Services կազմակերպության տվյալների համաձայն՝ Երևան համայնքում առկա թափառող շների քանակը չի գերազանցում 3609-ը:
Ուսումնասիրելով նախորդ տարիներին «Յունիգրաֆ-Իքս» ՍՊԸ-ի կողմից կատարված շների քնեցման և ստերջացման գործընթացը՝ հստակ երևում է, որ սույն ընկերությունը շների քնեցումը կատարում է բավական դաժանաբար՝ ծանր մահակներով կոտրելով կենդանիների գլուխը կամ ուղղակի ներարկում է լիդոկային, որն առաջացնում է, բառիս բուն իմաստով, տանջամահություն կենդանիների մոտ:
Ստերջացման գործընթացն ուսումնասիրելով՝ արձանագրվել է, որ Շահառուի կողմից ներկայացված ոչ բոլոր պահանջներն են պահպանվել՝ (տես https://www.youtube.com/watch?v=Hsy117PQ-Uc և https://www.youtube.com/watch?v=SFM8uPf7cOQ հղումները):
Հաշվի առնելով վերոգրյալը, հստակ է, որ ներկայացված ԳՆԱՅԻՆ ԱՌԱՋԱՐԿ-ը ենթակա չէ հաստատման:
Երևանի ավագանու «Երկիր Ծիրանի» խմբակցության անդամ
Երևանի քաղաքապետարանի կարիքների համար թափառող կենդանիների վնասազերծման ծառայությունների ձեռք բերման նպատակով բաց մրցույթի հանձնաժողովի անդամ՝
Ս. Աղեկյան
Երևանի ավագանու «Երկիր Ծիրանի» խմբակցություն – Արգիշտի 1, 434 աշխատասենյակ 0015 Երևան, Հայաստանի Հանրապետություն yerkirtsirani@yerevan.am - +37411514160 - www.yerkirtsirani.am
ՀԱՅԵՐԵՆ
Русский
English
Դաս. հայերեն
French
