ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանի ամանորյա ուղերձը

29-12-2017 17:38:10 | Հայաստան | Մամլո հաղորդագրություն

Սիրելի՛ հայրենակիցներ, տրանսպորտի, կապի և տեղեկատվական տեխնոլոգիաների ոլորտի գործընկերնե՛ր,

2017 թվականը նախարարության համար եղել է կարևորագույն և մեծածավալ ծրագրերի հստակ իրագործման և արդյունավետ գործունեության տարի: Աշխատանքի հանդեպ յուրաքանչյուրի պատասխանատու մոտեցման շնորհիվ այսօր մենք դրական տեղաշարժեր ենք արձանագրել նախարարության գործունեության բոլոր ոլորտներում.

- Եվրամիությունը հաստատեց ճանապարհային անվտանգության բարձրացմանն ուղղված 5 մլն ԱՄՆ դոլար դրամաշնորհի տրամադրումը:

-Երևան-Սևան ավտոճանապարհի ամբողջ երկայնքով, ինչպես նաև հանրապետության առավել վտանգավոր հատվածներում տեղադրվեցին ճանապարհային նոր նշաններ և արգելափակոցներ:

- Հիմնանորոգվեցին Դիլիջան-Հաղարծին, Երևան-Սևան ավտոճանապարհները, բարձրակարգ լուսատուներով կահավորվեց Նոր Հաճընի կամուրջը:

- Համայնքների երթուղային հասանելիության ուսումնասիրությունների արդյունքում բացահայտվեցին 220 չսպասարկվող համայնքներ, մշակվեց համապատասխան երթուղային հասանելիության ցանց, որի արդյունքում չսպասարկվող համայնքների շուրջ 40%-ը ներառվեց գործող երթուղային ցանցում:

- ՏՏ ոլորտի ստարտափները հայտնվեցին պետության ուշադրության կենտրոնում:

-Մայրաքաղաքում և ՀՀ մարզերում հեռուստատեսային ցանցի թվայնացման մակարդակը կազմեց 100 տոկոս:

Սա մեր համատեղ գործունեության խիստ համառոտ նկարագիրն է: Վստահ եմ, որ 2018 թվականը նույնպես հագեցած կլինի ձեռքբերումներով, խոստումնալից ծրագրերով և շոշափելի արդյունքներով:

Սիրելի՛ հայրենակիցներ, տրանսպորտի, կապի և տեղեկատվական տեխնոլոգիաների ոլորտի գործընկերնե՛ր,

Ջերմորեն շնորհավորում եմ Ամանորի և Սուրբ ծննդյան տոների կապակցությամբ:

Թող 2018 թվականը ձեզ բերի առողջություն, ընտանեկան ջերմություն, բարեկեցություն և բազում հաջողություններ:

Շնորհավոր Ամանոր և Սուրբ ծնունդ:

Վահան ՄԱՐՏԻՐՈՍՅԱՆ

ՀՀ տրանսպորտի, կապի և տեղեկատվական

տեխնոլոգիաների նախարար

Նոյյան տապան - Մամլո հաղորդագրություն