08-01-2018 11:43:38 | Թուրքիա | Ի՞նչ է գրում մամուլը
2016 Յուլիս 15-ին Թուրքիոյ մէջ կատարուած յեղաշրջման փորձէն ետք՝ Յունաստան ապաստանած էին որոշ կասկածեալներ եւ այդ երկրէն ապաստանեալի կարգավիճակ խնդրած էին: Վերջերս, Աթէնք թուրք այդ զինուորականներէն մէկուն շնորհած է ապաստանեալի կարգավիճակ, ինչ որ խիստ զայրացուցած է Անգարան:
Թուրքիոյ Արտաքին գործոց նախարարութիւնը այս մասին հրապարակած հաղորդագրութեան մէջ կ՚ըսէ. «այս որոշումով, Յունաստան անգամ մը եւս ցոյց կու տայ, որ յեղաշրջման հեղինակները պաշտպանող եւ զանոնք հիւրընկալող երկիր է»:
«Յունաստան չցուցաբերեց ահաբեկչութեան եւ ոճիրներու դէմ պայքարի մէջ դաշնակից երկրէ մը ակնկալուած զօրակցութիւնը եւ գործակցութիւնը: Այս որոշումը, որ ըստ մեզի՝ կայացուած է քաղաքական դրդապատճառներով, վստահաբար իր անդրադարձը պիտի ունենայ մեր երկկողմանի յարաբերութիւններուն, ինչպէս նաեւ տարածաշրջանային առումով՝ մեր միացեալ աշխատանքներուն վրայ», տողերով կ՚եզրափակուի Թուրքիոյ Արտաքին գործոց նախարարութեան հաղորդագրութիւնը:
ՀԱՅԵՐԵՆ
Русский
English
Դաս. հայերեն
French
