Որպես Եվրասիական միության դրածոներ` ՀՀ քաղաքական վերնախավը գերազանցորեն ապահովեց արտագաղթը, տնտեսության, մշակույթի և առողջապահության անկումը (տեսանյութ)
Որպես Եվրասիական միության դրածոներ` ՀՀ քաղաքական վերնախավը գերազանցորեն ապահովեց արտագաղթը, տնտեսության, մշակույթի և առողջապահության անկումը (տեսանյութ)
09-01-2018 15:31:22 | Հայաստան | Հասարակություն
Որպես Եվրասիական միության դրածոներ` Հայաստանի քաղաքական վերնախավը գերազանցորեն ապահովեց արտագաղթը, տնտեսության, մշակույթի և առողջապահության անկումը:
Ամփոփելով 2017 թվականը` լրագրողների հետ հանդիպման ժամանակ նման կարծիք հայտնեց Գերագույն խորհրդի պատգամավոր Ազատ Արշակյանը:
Ըստ նրա` Եվրամիության հետ կնքված համապարփակ և ընդլայնված համաձայնագրի ստորագրմամբ 2017 թվականին կասեցվեց Հայաստան պետության լուծարման գործընթացը:
«Եվրասիական միությունը տիպիկ Ոսկե հորդան է հանած Ուզբեկստանը, և Եվրասիական միությունը մասնակի հանձնեց Հայաստանը Եվրամիությանը, ինչը նոր կարգավիճակ ստեղծեց մեզ համար»,- նշեց նա` Ա. Արշակյանը` հավելելով, որ Ոսկե հորդային թույլ չտրվեց ամբողջությամբ կլանել Հայաստանը:
Նրա խոսքերով` նման պայմաններում տնտեսության քայքայումը բնական է. «Մեր տնտեսական աճը լինի 6,7,4 տոկոս, ես վստահ եմ, որ այնտեղ մատնոցախաղ կա, թվերը կեղծվում են, և անգամ կեղծված թվերով մենք երկու անգամ ավելի վատ վիճակում ենք, քան Վրաստանը, Թուրքիան կամ Ադրբեջանը: Սա ձախողում է, որը Ոսկե հորդայի համար մեծ նվաճում է»:
Ա. Արշակյանը 2018-ին ակնկալում է Գերագույն խորհրդի ժամանակ ստեղծված պետականության վերականգնում` չնայած նրան, որ ՀՀ ներկայիս Սահմանադրությունը ենթադրում է ապապետականացում:
Գերագույն խորհրդի պատգամավորի համոզմամբ, եթե պաշտպանության համակարգում ընթացող բարեփոխումները նույն ջանասիրությամբ իրականացվեն նաև առողջապահության և մշակույթի ոլորտում, ապա Հայաստանը կկարողանա ոտքի կանգնել: