2018 թվականին Հայաստանը չի ունենա և չի էլ կարող երազել 4 տոկոս տնտեսական աճի մասին (տեսանյութ)
09-01-2018 17:04:58 | Հայաստան | Հասարակություն
2018 թվականին Հայաստանը չի ունենա և չի էլ կարող երազել 4 տոկոս տնտեսական աճի մասին:
Այս մասին հունվարի 9-ին լրագրողների հետ հանդիպման ժամանակ նշեց իրավաբան, իրավախորհրդատու Հայկազ Մակարյանը` ընդգծելով, որ քանի դեռ Ազգային ժողովում օրենքներն ընդունում են թաղային հեղինակությունները, ապա ոչ մի զարգացում էլ պետք չէ ակնկալել:
Ըստ նրա` նախորդ տարի ՀՀ մուտք գործած տրանսֆերտների 62 տոկոսը ՌԴ-ից է եղել, սակայն ԵԱՏՄ-ի հետ մոտ 14 տոկոս տրանսֆերտների անկում է արձանագրվել. «Այս ֆոնի վրա գործող իշխանությունները պարբերաբար հայտարարում են թե աճ են գրանցել ԵԱՏՄ գոտում, մինչդեռ սահմանին ԱԱՀ-ի և մաքսատուրքի գանձումները կատարելիս ոչ մի ներքին պայմանագիր հաշվի չի առնվում»:
Հ. Մակարյանի կարծիքով` 2018 թվականին ստեղծված իրավիճակից դուրս գալու ելքը մեկն է` Ռուսաստանի հետ քաղաքական քայլերը պետք է լինեն բացարձակապես հայկական կողմի նախաձեռնությամբ:
«Բավական է ասենք, որ Ռուսաստանը մեր մեծ եղբայրն է, դա հեյրուրանք է և հիմարություն: Այսօր մենք պետք է հասկանանք մի բան, որ պոստսովետական շրջանում Ռուսաստանը կորցրեց իր դաշնակիցներին` Ուկրաինա, Վրաստան, միակ հենասյունը Հայաստանն է: Այն, որ ասում են ռուսը մեզ օգնում է, մենք երկու անգամ ավելի շատ ենք օգնում ռուս ժողովրդին»,- նշեց նա:
Վերջինիս խոսքերով` 2017 թվականին Հայաստանի արտաքին դիվանագիտության ամենակործանարար քայլերից մեկը եղավ Երուսաղեմն Իսրայելի մայրաքաղաք ճանաչելու ԱՄՆ նախագահի որոշմանը դեմ քվեարկելը:
Բանախոսի համոզմամբ` նշյալ քայլով ակնհայտորեն Հայաստանը վատթարացրեց հարաբերություններն ԱՄՆ-ի հետ և վերջնականապես խորտակեց քաղաքական-դիվանագիտական կորպուսը:
ՀԱՅԵՐԵՆ
Русский
English
Դաս. հայերեն
French
