Տեսազանգ-խորհրդակցություն դանիացի հայտնի ճարտարապետ, քաղաքային դիզայնի խորհրդատու Յան Գեյլի հետ
11-01-2018 18:52:09 | Հայաստան | Մամլո հաղորդագրություն
Երևան քաղաքի գլխավոր ճարտարապետ Տիգրան Բարսեղյանը, քաղաքապետի խորհրդական Վահագն Վերմիշյանը, քաղաքապետի խորհրդական, Երևան քաղաքի գլխավոր դիզայներ Գառնիկ Ամատունյանը և քաղաքապետարանի աշխատակազմի արտաքին ձևավորման և գովազդի վարչության պետ Արազ Բաղդասարյանը տեսազանգ-խորհրդակցություն են ունեցել դանիացի ճարտարապետ, քաղաքային դիզայնի խորհրդատու Յան Գեյլի հետ:
Դանիացի հայտնի մասնագետի հետ քննարկվել է Երևանի արտաքին տեսքի և քաղաքային միջավայրի զարգացման ռազմավարությունը: Միաժամանակ ձեռք է բերվել պայմանավորվածություն, համաձայն որի Յան Գեյլը փետրվարին կայցելի Երևան՝ տեղում իրավիճակին ծանոթանալու և խորհրդատվություն տրամադրելու նպատակով:
Նշենք, որ Յան Գեյլի կողմից հիմնադրված «Gehl Architects» ընկերությունն իրականացրել է Սան Ֆրանցիսկո, Նյու Յորք, Կոպենհագեն, Մոսկվա և աշխարհի ավելի քան 20 խոշոր քաղաքների քաղաքային միջավայրի ուղեցույցի կազմման աշխատանքները:
ՀԱՅԵՐԵՆ
Русский
English
Դաս. հայերեն
French
