Օձունի տներից մեկի հրդեհի հետեւանքով հայտնաբերվել է տանտիրուհու կիսայրված դին․ԱԻՆ

15-01-2018 15:06:55 | Լոռու մարզ | Հասարակություն

Հունվարի 14-ին, ժամը 17.35-ին, ոստիկանության Թումանյանի բաժնում հաղորդում է ստացվել, որ Օձուն գյուղում տուն է այրվում:

Օձուն գյուղի 5-րդ փողոցի թիվ 29 տան հրդեհի մեկուսացումից հետո, հյուրասենյակի հատակին, հայտնաբերվել է միայնակ բնակվող տանտիրուհու` 1936 թ. ծնված Ռոզա Կոստանդյանի կիսայրված դիակը:

Հյուրասենյակում առկա էր վառարան:

Արտաքին զննությամբ դիակի վրա բռնության հետքեր չեն հայտնաբերվել:

Ձեռնարկվում են միջոցառումներ հրդեհի պատճառը և հանգամանքները պարզելու ուղղությամբ:

Կատարվում է քննություն:

Նոյյան տապան - Հասարակություն