Անցած գիշեր հանրապետության տարածքում տեղացած առատ ձյան պատճառով այսօր մի շարք ներհանրապետական երթուղիներ ուղևորափոխադրող ընկերությունների կողմից չեն սպասարկվել:

Այս մասին «Արցախպրես»-ի թղթակցի հետ զրույցում ասել է Ստեփանակերտի կենտրոնական ավտոկայանի շահագործման բաժնի պետ Շահեն Գասպարյանը՝ նշելով, որ ժամը 11:00-ի դրությամբ Ստեփանակերտի ուղղությամբ չեն սպասարկվել Նախիջևանիկ, Աշան, Ուխտաձոր, Մուշկապատ, Ջրաղացներ, Խաչմաչ երթուղիները։

Շ. Գասպարյանի հաղորդմամբ՝ միջպետական երթուղիներն սպասարկվել են ըստ չվացուցակի։

---