Հունվարի 17-ին ՀՀ Գեղարքունիքի մարզպետարանում կայացավ ՀՀ արտակարգ իրավիճակների նախարարության Գեղարքունիքի մարզային ստորաբաժանումների 2017 թ.-ի կատարած աշխատանքների ամփոփմանը նվիրված նիստ, որը վարեց մարզպետ Կ. Բոթոյանը: Նիստին մասնակցում էին ՀՀ ԱԻՆ փրկարար ծառայության տնօրենի տեղակալ, փ/ծ գնդապետ Ա. Խաչիկյանը, Գեղարքունիքի մարզպետի տեղակալները և մարզպետարանի աշխատակիցները, համայնքների ղեկավարները, մարզային ստորաբաժանումների ղեկավարները և անձնակազմերը:
Գեղարքունիքի մարզային փրկարարական վարչության աշխատանքներն ամփոփեց վարչության պետի տեղակալ, փ/ծ փոխգնդապետ Հ. Աբրահամյանը: Նշվեց, որ Գեղարքունիքի ՄՓՎ-ը «Հայ-ռուսական մարդասիրական արձագանքման կենտրոնից» ստացել է 1 հրշեջ-փրկարարական, 1 ջրափրկարարական և 1 օպերատիվ ﬔքենա, 7 մոտորանավակ, փրկարարական հատուկ սարքավորուﬓեր և այլ գույք: Հատկացված ավտոﬔքենաները և սարքավորուﬓերը գործողության ﬔջ կդրվեն այս ամսվա կեսից՝ նպաստելով արտակարգ դեպքերի ավելի օպերատիվ ու արդյունավետ արձագանքմանը: Ստացված փրկարարական ﬔքենաների, սարքավորուﬓերի և գույքի ցուցադրությունը կազմակերպվեց Գավառ քաղաքի կենտրոնական հրապարակի տարածքում՝ Գեղարքունիքի մարզպետարանի շենքի դիմաց: Գեղարքունիքի մարզային փրկարարական վարչության պետ Գևորգ Գալստյանը միջոցառման մասնակիցներին ներկայացրեց հատկացված ավտոﬔքենաների, սարքավորուﬓերի ու գույքի դերն ու նշանակությունը փրկարար գործողություններում:
ԱԻ նախարարության Գեղարքունիքի մարզային ստորաբաժանումների 2017թ.-ի կատարած աշխատանքները գնահատվեցին բավարար:
Ամփոփիչ խոսքերով հանդես եկան ՀՀ Գեղարքունիքի մարզպետ Կ. Բոթոյանը, ՀՀ ԱԻՆ փրկարար ծառայության տնօրենի տեղակալ փ/ծ գնդապետ Ա. Խաչիկյանը: Մասնավորապես նշվեց, որ անհրաժեշտ է.
•սերտացնել համագործակցությունն անտառտնտեսությունների հետ,
•վերանայել հրդեհներին արձագանքելու պլանները,
•ձեռնարկել միջոցներ ՀՀ ԱԻՆ Գեղարքունիքի մարզային փրկարարական վարչության և ստորաբաժանումների հետագա զարգացման ուղղությամբ,
•շարունակել հետևողական աշխատանքները՝ մարզի Շողակաթ համայնքում հրշեջ-փրկարարական հենակետ հիմնելու ուղղությամբ:
Նիստի ավարտին մարզպետի կողմից մասնագիտական բարձր պատրաստականության և ծառայողական պարտականությունները լավագույնս կատարելու համար մարզային փրկարարական վարչության և ստորաբաժանումների 15 աշխատակիցներ պարգևատրվեցին շնորհակալագրերով, իսկ մարզի քաղաքային համայնքների ղեկավարների կողմից պատվոգրերով պարգևատրվեց 35 աշխատակից: