ՀՀ բարձրագույն կրթական համակարգում արմատական փոփոխություններ են տեղի ունենալու (տեսանյութ)
18-01-2018 14:47:20 | Հայաստան | Հասարակություն
ՀՀ բարձրագույն կրթական համակարգում արմատական փոփոխություններ են տեղի ունենալու:
Այս մասին հունվարի 18-ին լրագրողների հետ հանդիպման ժամանակ նշեց ՀՀ կրթության և գիտության նախարար Լևոն Մկրտչյանը:
Նշենք, որ ՀՀ կառավարության հունվարի 18-ին կայացած նիստի ընթացքում ընդունվեց «Բարձրագույն կրթության մասին» օրենքում և հարակից օրենքներում փոփոխություններ կատարելու մասին որոշումը:
«Սա ըստ էության երկար տարիների աշխատանքի արդյունք է, որով մեր բարձրագույն կրթական համակարգում այս օրենքի ընդունումից հետո պետք է տեղի ունենան արմատական փոփոխություններ: Օրենքն անցել է այն բոլոր փուլերը, որոնք նախատեսված են օրենքի հրապարակայնությունը և մասնագիտական քննարկումներն ապահովելու համար»,- նշեց Լ. Մկրտչյանը:
Վերջինիս խոսքերով՝ օրենքից հետո կընդունվի համապատասխան օրենսդրական փոփոխությունների ենթաօրենսդրական փաթեթը, և համակարգը կանցնի արմատական փոփոխությունների ճանապարհ:
ԿԳ նախարարի փոխանցմամբ՝ նոր օրենքը երկու կարևոր սկզբունք է սահմանում. համալսարանական ինքնավարություն և ներքին դեմոկրատիայի կտրուկ աճ:
ՀԱՅԵՐԵՆ
Русский
English
Դաս. հայերեն
French
